Total Page Views
181966

Poem: What a Controvacy

Wednesday, August 15, 2007 Posted by naomi

Inspired by God What a Controvacy Mi sa what a controvacy Controvacy, controvacy Between a righteous man an a sinna-man Di sinna man have a contovacy Wit di righteous man I hear di sinna man sa to di righteous man Dere is no God! Da bout ya If God did exis’ Why so much mur-da, disastsa, diverse Crimes an war between nations Why som’ part a di worl’ people dem-a suffa. Dem a strarv’ to death No food fi di poor why di wicked dem a live so long An a Goodman, dem a dead off Way di church, wha den a doo All a dem hypocrite Den worse off don me Me! A live a betta life don Christian What a controvacy Mi sa what a contrivacy Between a righteous man answer di sinna-man Mi wa you com out a dat controvacy An’com inn dis ya controvacy Yu’ fool! Di same one yu sa no da ‘bout ya, no exis’ Make yu mouth an’ yu use it if curse him Di same one yu cannot do without Yu a eat off him food Yu drink God Wat-ta Unnu destroy di earth him mak Wit unnu atomic bomd and evil inventions If him lick yu down dun a groun’ Yu no have health an’ strength fi mak unnu wealth In him yu move an breath An’ have yu been Yu enjoy him riva Yu swim inna God sea Yu transport unnu goods an unna trade pon it Him mak yu have health an’ And strength to achieve wealth Ohh that sinna man should praise the Lord Maybe the worl would be betta If yu tak sick now Can yu make yuself betta All di money yu spen A physian an pon ad-ad resources yu visit Can it mek yu betta Yu call fi prayer A wi same on a com’ pray fi unnu But as soon as unnu feel Betta unnu don back inna unnu sin Unnu fail to relize a fi unnu sin cause wi fi suffa Wi point unna to di word a God… Introduce unnu to Jesus Unnu sa man writ it’ Yu sa him jus’ a man Yu a ask wa di church dem da a wa dem a do Dem still da’bout A preach pon di radio an T.V. Inna bus an pon di street A friend warn yu A family memba talk to yu A tell unnu fi com out a dat-da controvacy An com’ inna dis-ya controvacy Yu sa wi a hypocrite I agree, because di bible sa so So since yu know how to live Com’ outta dat-da controvacy An com in a di ya controvacy An com show di hypocrite fi live betta Hey, hey Mi sa what a controvacy Between a righteous man An a sinna man What a controvacy Controvacy, controvacy Mi sa what a controvacy Between a sinna man an a righteous man What a controvacy controvacy. Note: Nicole Hudson © 2007 Note: Nicole Hudson © 2007